Profesión, Profesional, Profesionalismo

Profesión médica Ocupación baseada no desempeño de tarefas encamiñadas a promover e restablecer a saúde e a identificar, diagnosticar e curar doenças aplicando un corpo de coñecemento especializado propio de nivel superior, na que preside o espírito de servizo e se persegue o beneficio do paciente antes que o propio, e para a que se require que as partes garantan, · a producción, o uso e a transmisión do coñecemento científico, · a mellora permanente para prestar a mellor asistencia posible, · a aplicación do coñecemento de forma ética e competente, e · que a práctica profesional se oriente cara ás necesidades de saúde e de benestar das persoas e da comunidade. Profesional médico Persoal médico titulado comprometido cos principios éticos e deontolóxicos e cos valores da profesión médica e cuxa conducta se cingue ós devanditos principios e valores. Profesionalismo médico Conxunto de principios éticos e deontolóxicos, valores e conductas que sustentan o compromiso dos profesionais da medicina co servizo ós cidadáns, que evolucionan cos cambios sociais, e que avalan a confianza que a poboación ten nos médicos. Principios fundamentais do profesionalismo médico O exercicio da profesión médica esixe antepor os intereses do paciente aos do propio médico, base da confianza que o paciente deposita no médico, esixencia que se sustenta entre outros principios nos de beneficencia, non maleficencia, autonomía e xustiza. Valores fundamentais do profesionalismo médico Os profesionais da medicina pon ó dispor da poboación os coñecementos, as habilidades e o bo xuízo para promover e restablecer a saúde, previr e protexer da enfermidade, e manter e mellorar o benestar dos cidadáns. En consecuencia, a práctica diaria do profesional médico implica o compromiso con: · a integridade na utilización do coñecemento e na optimización dos recursos · a compaixón como guía de acción fronte ao sufrimento · a mellora permanente no desempeño profesional para garantir a mellor asistencia posible ó cidadán · a colaboración con todos os profesionais e institucións sanitarias para a mellora da saúde e do benestar da poboación 25